السلام عليكم يا جداني انتم
كلكم تدرون ان زين جايه للسعوديه وكما هو معروف ان فيه شي اسمه تنافس بين الشركات ( تشرح لبزران ؟ ) المهم شركه الاتصالات السعوديه اللي انا عميل عندهم من 7 سنين وكل شهر فاتورتي بين ال500 وال1100 (منيب كاش بس اهلي يستخدمونه ) قررت شركه الاتصالات السعوديه توزيع مكافئات للمشتركين الهطف ( مع احترامي والله اننا هطف من جد ) وارسلوا رساله للمشتركين ( تراكم بتربحون جوائز اسبوعيه " افرحوا " ) انا اول ماقريت الرساله قلت الله يجيب الخير يمكن افوز بجوال اغير الكسره برج العرب اللي ما عاد يباع الحين بأي بقاع الأرض مر اسبوع وسبحان الله انا اول الفائزين دايم امي تقول اني محضوظ
جتني اليوم رساله وانا طالع من المحاظره اول مافتحتها لقيت مكتوب بأولها مبروك ..
انا تحمسسست وصرفت خويي الي معي قلت له اكلمك بعدين مشغول انا ورحت على جمب وكملت قرائه الرساله التالي نصها :
(
مبروك ..
عميلنا العزيز لقد فزت باشتراك مجاني في باقه تلفزيون الجوال لثلاث قنواة لمدة شهر من الجوال .
مع الجوال انت الرابح ...
)
معلومه مهمه : سعر الخدمه المهداه لي 9 ريال.
المفروض تكون الرساله نصها
(
مبرووك..
يا حمار ترانا بنعطيك 9 ريال بتغير لزين الله ياخذك ما عندنا الا انت عندنا 10 مليون مشترك يعني انت لا قمت ولا قعدت عندنا انت وجوالك برج العرب حتى جائزتنا منتب مستفيد منها المفروض هديتك اشتراك مجاني برادو اف ام
عزيزي العميل كل تبن وانت الربحان
)
بذمتكم عاد صدق صدق هذي معامله ؟ هذا اسلوب احترافي بتقديم هدايا ؟ يا دبش افتحوا الداتابيس حقكم وشوفو صورة جوالي المملوح واعرفوا الهدايا اللي تناسبه مهب تهدوني 9 ريال وحتى مانيب مستفيد منها .
زين .. سوف آتي اليتس يا زينه
ملاحظه اخيره : شركه الاتصالات اذا تبون ترشوني برقم يدق ببلاش وخدمات فله وتغيرون جهازي ابي جهاز فيه كمرتين وكشخه انا مستعد امسح موضوعي ذا وانزل موضوع مدح لشركتكم السعوديه الوحيده << مشروع بدايه نفاق
موضوع: شــــــــركه لاتصالات تستهبل 
الإثنين أغسطس 11, 2008 2:44 am
